THIRIKARI KUHURANA NA MURIMU WA CHOLERA BURURI-INI.

THIRIKARI NI ITHONDEKETE AMITI IRIA IGUTHURIMA NA KUMENYA URIA IKUGIRIRIRIA MURIMU WA CHOLERA URIA UTUMUKITE THIINII WA COUNTY 3 BURURI-INI. MURIMU UYU URAGITE ANDU 8 NA UTUMUKITE THIINII WA COUNTY CIA HOMA BAY, MIGORI NA NAIROBI. KURINGANA NA RUHONGE RWA UGIMA WA MWIRI, ANDU 166 NIO MANYITITWO NI MURIMU UCIO. 

THIRIKARI YUGITE MURIMU UYU UTUMUKITE KUMANA NA RIUA INENE RIRIA RIARITE BURURI-INI, UNDU URIA UTUMITE ANDU METHANE NA MAI NA MAI MACIO NIMO MARI NA TUGUNYU TWA MURIMU UYU. KURI NA GUOYA ATI MURIMU UCIO WAHOTA GUTHEREME THIINII WA COUNTY CIA KISII, NYAMIRA NA KISUMU. MWENA WA MIGORI, ANDU MAGIRITIO GUKENERERA NDIA NGURANI NIGUO MURIMU UCIO NDUGATHEREME. MURIMU WA CHOLERA NO UTHEREME NAIHENYA MUNO NA KURINGANA NA RUHONGE RWA UGIMA WA MWIRI THIINII WA THII WORLD HEALTH ORGANISATION, ANDU MILLION 3.5 NI MANYITAGWO NI MURIMU UYU O MWAKA NA ANDU GATAGTI KA 100,000 NA 120,000 GUKUA O MWAKA KUMANA NA MURIMU UCIO THIINII WA THII. MURIMU UYU UNYITAGA CIANA NA NGINYA ANDU AGIMA. NJIRA IMWE YA GWITHEMA NA MURIMU UYU NI GUCAMUKIA MAI MA KUNYUA NA GUTHAMBIA KINDU ORO GIOTHE GIA KURIA MBERE YA KURIA, KWA MUHIANO MATUNDA. MAKIRIA YA UGUO, NI WEGA GITHAMBA MOKO THUTHA WA GUCEERA KIORO.