Thutha wa county ya Homabay guikara kwa ihinda ria mieri iri na thiku 21 matari na seneta kurumiririra gukua gwa Otieno Kajwang uria wari seneta wao, riu mari na gitumi gia gukunguira. county ya Homabay muthenya wa ira niiracagurire Moses Kajwang ari ta seneta wao uria urarugamite na kiama kia Orange Democratic Party(ODM) kiria gitongoragio ni uria waari prime minister Raila Odinga. Kajwang arahotire Philip Okundi uria urarugamite na kiama kia Maendeleo Democratic Party na makiria ma kura 80,000. Aria angi mararuagira giti giki ni hamwe na Fred Rabongo(National Agenda Party), Bernad Otieno(National Vision Party), Hilary Ochieng,Onyango Alila, Edwin Matete, Medo Luke Misama na Innocent Otieno. Riri uhotani uyu wa Kajwang urakunguirwo ni arumiriri ake, kuri na uhoro kuma kuri amwe a aria marerugamitie ati nikurari na aikia a kura marahakitwo. Oroho kurerikana machini iria irahuthagirwo ni maabithaa a iebc citirarutaga wira undu uria urekirire mihinga wira-ini uyu. Ceceni 816 cia guthuranira nicio iraikagirio kura, kuria Kajwang arehotaniire na kura 111,007 kuma ituo 780 kuria aikia a kura mareyumiritie na gicunji gia 50%.
No comments:
Post a Comment