ATONGORIA A NAROK KUURIO MEKINYIE MBERE YA BORITHI A UTHUTHURIA.

BORITHI NI MERITE ATONGORIA AMWE A COUNTY YA NAROK MEKINYIE MBERE YAO, KURUMIRIRA NGAHIHA IRIA CIONEKIRE MUTHENYA WA JUMATATU  KURIA ANDU ERI MORAGIRWO  NA ANGI GUTIGWO NA NGURARIO. MATONGORETIO NI SENETOR WA COUNTY YA NAROK STEPHEN OLE NTUTU, MUMBUNGE WA NAROK YA RUGONGO MOITALEL KENTA, MUMBUNGE WA NAROK YA MUHURO KOREI LEMEIN, MUMBUNGE  WA NAROK YA IRATHIRO PARTRICK NTUTU NA JOHANNA NGENO  NI MORITIO MEKINYIE  RUHONGE-INI RWA BORITHI A UTHUTHURIA NIGUO KUHUNGWO MAHURI KUMANA NA NGAHIHA IRIA IRONEKANIRE MUTHENYA WA IRA. MUTONGORIA WA RUHONGE RURU  RWA UTHUTHURIA NDEGWA MUHORO ARENDA ATONGORIA AYA MEKINYIE MBERE YAO NIGUO UTUIRIA MAKIRIA WIKWO. OHO NDEGWA MUHORO NI OIGITE ATI ATONGORIA AYA MARETWO NIGUO KUHEANA KIRIA KIAREHIRE NGUCANIO ICI NGINYA GUCUNGIRIRA ANDU GUKUA NA ANGI KUGURARIO HAMWE  NA INDO GUTHUKANGIO. ATONGORIA AYA MARATONGORIRIE  GIKUNDI KIA ARURUNGANI ARIA MARENDAGA KURUTURURA  GOVERNOR WA NAROK SAMUEL TUNAI. OCPD WA NAROK YA RUGONGO PAUL LETTING HAMWE NA ABITHAA WA GSU MARARI AMWE A ARIA MARAGURARIRE. ABITHAA 500 A UGITIRI WA RIEARA-INI KUMA RUHONGE  RWA KENYA FOREST SERVICE NI MARAATHIRWO MAHARAGANIE ARURUNGANI ARIA MARARI MAKIRIA  MA 10 000. ATETI AMWE A NAROK NI MAKORETWO NA NGUCANIO NA GOVERNOR  TUNAI KURUMIRIRA KIRIA MAROIGA NI ARAAGA KURUMBUIYA MABATARO MA AIKARI A NAROK NA KUHE AIKARI A NJA YA COUNTY IYO MAWIRA NA KUIMA AIKARI A COUNTY INO MAWIRA.  UHORO URIA UNGI UREHETE NGUCANIO NI MBECA IRIA CIONEKANAGA KUMA GITHAKA KIA MAASAI MARA. HAU KABERE MUNENE WA RUHONGE RWA UGITIRI WA THIINII JOSEPH NKAISSERY NI ARERITE ANDU MATIKARURUNGANE NA HANDU HAU MAKORWO NA MIARIO.